La poesia ha spesso affrontato il dolore. Quel dolore che, tante volte, riflessioni dirette e parole piane non sono forse in grado di trasmettere.
Questa poesia, “Pazzianno c’ ‘o suonno”, fu scritta da Eduardo De Filippo nel 1962, due anni dopo l’improvvisa morte della figlia Luisella di appena 10 anni.
Il dolore è forte e lui sa che il vuoto dentro di sé resterà per sempre. La sua voce, nel silenzio della notte, lui la vuole ascoltare – Papà! – ma il sonno spietato, duro, invincibile, prepotente, alla fine vince sempre.
Una poesia struggente, in cui il dolore di un padre è espresso con una metafora che attraversa e confonde sogno e realtà. E dove, purtroppo, prevale la realtà.
***
“Pazzianno c’ ‘o suonno”
di Eduardo De Filippo, 1962
Papà!
Sta voce soia,
forte e luntana.
Arriva fino a me,
zitta e vicina.
Papà!
Pe’ tutta ’a casa
’e notte,
dint’ ’o scuro
corre p’ ’e stanze
pe’ se fa’ senti’.
Papà!
Ve sarrà capitato pure a vvuie
’e sta ancora scetato
quanno ’o suonno
pazzèa cu ll’uocchie vuoste
e se mbruscine
pe’ copp’ ’a pelle
e nfronte
e ncopp’ ’e braccia
’e mmane
pe’ ’e spalle
e pe’ ’e capille…
e vvuie sapite
ca quann’isso pazzèa
sta cchiù scetato ’e vuie
pe’ ve piglia’.
Comme facite vuie
facc’io c’ ’o suonno.
M’ ’o tengo amico,
già.
Pecché sapenne ’o tipo,
cumm’ è cucciuto,
e cumm’è prepotente,
faccio avvede’
ca saccio ch’è putente,
ca nun resisto a sti carezze soie…
Ma nun se fa fa’ scema,
’o ssape
e aspetta.
Vence semp’ isso,
pecché sempe me piglia a tradimento.
Mentre ’o suonno pazzèa
tanno
sta voce arriva:
papà!
E io l’aspetto!
Ma nun vene ogni notte.
Si nun vene,
che pozzo fa’?
Suonno, pienzece tu,
pazziammo nzieme,
ma senza pressa,
aspetta n’atu ppoco,
Sempe tu vince,
’o ssaie:
ma primma o doppo
che male te po’ fa’?
Cumm’infatto è venuta…
Forte e luntana,
arriva fino a me
zitta e vicina:
papà!